राष्ट्रिय स्वतन्त्र पार्टी (रास्वपा) पदीय भूमिकाबाट हटाएका मुकुल ढकाल सभापति रवि लामिछाने विरुद्ध थप आक्रमक बन्दै गएका छन् । बुधबार बसेको रास्वपाको केन्द्रीय समिति बैठकले ढकाललाई २४ घण्टे स्पष्टीकरण सोधेको थियो ।
दोस्रोपटक स्पष्टीकरणका लागि पठाइएको पत्रको जवाफ फर्काउँदै ढकालले सभापति लामिछाने माथि प्रतिप्रश्न गरेका छन् । उनले रवि लामिछानेका विषयमा आएका सबै विषय प्रमाणित गर्ने चेतावनी दिएका छन् ।
उनले भनेका छन्, सहकारीमा ठगी गर्नु भएको छ, तपाईँले मन्त्री हुँदा भ्रष्टाचार गर्नु भएको छ र तपाईँ राहदानी दुरुपयोग गरेको एक अपराधी हो भनेर म प्रमाणित गर्न सक्छु,’ लामिछाने सहकारी ठगी, राहदानी दुरुपयोग र किर्तेमा संलग्न रहेको आरोप ढकालले लगाएका छन् ।
