काठमाडौं । जिल्ला ट्राफिक प्रहरी मकवानपुर कार्यालयले हेटौँडा—काठमाडौँ सडकखण्ड तीन दिनका लागि बन्द हुने जानकारी दिएको छ। मिति २०८१ कार्तिक २ गते बिहान ९ बजेदेखि हेटौँडा—भैँसे—भिमफेदी—कुलेखानी—काठमाडौँ सडकखण्डमा हेम पाइप राख्ने कार्यका कारण यातायात अवरुद्ध हुने भएको भन्दै प्रहरीले सो जानकारी गराएको हो । यस अवधिमा यात्रुहरूलाई वैकल्पिक मार्गको प्रयोग गर्न अनुरोध गरिएको छ। प्रहरीले त्रिभुवन लोकपथ अन्तर्गत पालुङ—कुन्छाल—चित्लाङ—चन्द्रागिरि हुँदै काठमाडौँ जाने मार्ग वा कान्तिराजपथको प्रयोग गर्न सुझाव दिएको छ।