काठमाडौं । नेपालीहरुको ठुलो पर्व दशैँ नजिकिए सँगै अहिले आम सर्वसाधारण आर्थिक जोह गर्न जुटेका छन् । पछिल्लो समय देशमा बढ्दो आर्थिक तरलता र त्यसपनि सहकारी संस्थाहरुले बचतफिर्ता गर्न नसकेको अवस्थामा सर्वसाधारणको दशैँ यो पटक पनि खल्लो हुने निष्चीत छ । तर, यसबीचमा सहकारी संस्थामा फसेको रकम सजिलै झिकिदिने भन्दै केहि व्यक्ती र समुहले स्थानीय बचतकर्ताबाट ठुलो रकमको बार्गिनिङ गरिरहेको घटनाहरु सुन्नमा आएका छन् ।

यता, सहकारी संस्थाबाट रकम उठाइदिए बाफत कमिसन लिने र उता सहकारी संस्थाहरुमा बढ्दो बचतफिर्ताको चापलाई कमगरिदिने भन्दै दोहोरो कमिसनको प्रस्ताव आइरहेको केहि सहकारीकर्मीहरुले नै गुनासो पोख्न थालेका छन् । यहि बीचमा कीर्तिपुरका केहि सहकारी संस्थाबाट रकम उठाइदिने भन्दै केहि व्यक्तीहरुले बचतकर्तासँग ठुलो रकमको प्रस्ताव गरिरहेको खुल्न आएको छ ।

केहि अमुख व्यक्तीहरुले दशैँअघि सहकारी संस्थाबाट आधा रकम उठाइदिने भन्दै बचतकर्ताहरुलाई प्रभावमा पार्ने गरेको खुल्न आएको हो । कीर्तिपुरका केहि सहकारीमा अहिले आर्थिक तरलता बढ्दो छ । यहि अवस्थालाई केहि व्यक्तीहरुले संघर्ष समितिको नाममा, राजनीतिक दल, टोले गुण्डा तथा केहि समुहका तर्फबाट बचतकर्तालाई फोन गर्न थालेको पाईएको हो ।

कतिले बचतकर्ताबाट १० देखि २५ प्रतिशतसम्म रकम माग गरिरहेको एक बचतकर्ताले बताए । उनले भने, ‘केहि दिन अघि मलाई फोन आयो..मेरो कुनै एक सहकारीमा दुई करोड रकम बचत छ । जग्गा विक्रि गरेको बचत गरेको थिए । सहकारीले समयमै ब्याज दिइरहेको छ, सबै ठिक छ तर, सहकारीमा समस्या आउन सक्ने डर देखाई रकम उठाउने प्रस्ताव आएको छ ।

अहिले सहकारी संस्थाहरुमा देखिएको तरलताकाबीच मेरो रकम फिर्ता हुन ढिला हुन्छ कि भन्ने मनमा लागिरहेको थियो, तर फोनमा १० प्रतिशत दिनेभए पैसा उठाइदिने प्रस्ताव आएको छ’ । उनले भने, ‘यदि यस्तै हो भने अब के हुन्छ ? यसरी सहकारी संस्थामात्रै समस्यामा पर्दैनन्,दुःख सुखगरि बचत गरेका हामी बचतकर्तापनि समस्यामा पर्ने भयौं ।

उनले भने, कोहि राजनीतिक दलको आडमा कोहि टोले गुण्डाको आडमा त, कतिले संघर्ष समितिका नाममा सहकारी संस्थाबाट रकम उठाउने भन्दै बजारमा हल्ला चलेको छ, यस विषयमा सम्बन्धीत निकायको ध्यानाकर्षण आवश्यक छ । चाडपर्वको मौकामा यसै सर्वसाधानरण ठगिएका छौं त्यसपनि सहकारी संस्थाले बचतकर्तालाई रकम दिन नसकेको अबस्थामा बचतकर्ताले कसरी कमिसन दिन्छ ? कीर्तिपुरकै केहि नाम चलेका सहकारीमा थप समस्या छ । जसको फाईदा बचतकर्ताले नभइ केहि अमुख व्यक्तीले उठाउन खोजिरहेका छन् ।

कहिले समाचार रोक्ने त, कहिले समाचार ‘डिलिट’ गर्ने दवाव विजनेस दर्शनले पनि झेल्दै आइरहेको छ । बचतकर्ताहरुले के बुझ्न आवश्यक छ, भने सहकारी संस्थाहरुमा रकम फसेको नभइ सहकारी संस्थाहरुले आर्थिक तरलता झेलिरहेका हुन । अहिले कीर्तिपुरका अधिकांस सहकारीहरुले आफ्नो सम्पत्ति व्यवस्थापनबाटै रकम फिर्ता गर्न सक्ने हैसियतमा रहेको एक सहकारीकर्मीले बताए । केहि ढिलासुत्ती मात्रै भएको हो, धैयता आवश्यक छ, उनले भने । तर, व्यक्ती तथा समुहहरुले आर्थिक स्वार्थकालागि बचतकर्तालाई प्रभावमा पारिरहेको देखिन्छ