काठमाडौँ । एप्पलले सेप्टेम्बर ९ मा आफ्नो वार्षिक एप्पल इभेन्ट गर्ने तयारी गरेको छ, जुन कार्यक्रममा साधारणतया एप्पलले आफ्नो नयाँ आईफोनसहितका उत्पादनहरू सार्वजनिक गर्ने गरेको छ ।

यो वर्षको कार्यक्रममा एप्पलको नयाँ आईफोन १६ का विभिन्न मोडलसँगै एप्पलका वाच, एअरपड, आइप्याड, म्याकबुकका नयाँ मोडेल, नयाँ सफ्टवेयर अपडेट र आर्टिफिसियल इन्टेलिजेन्स (एआई) सम्बन्धी थप घोषणा हुने अपेक्षा गरिएको छ ।

इट्स् ग्रो टाइम लेखेर सञ्चारकर्मी, प्रविधिविज्ञ र डिभेलपरहरूलाई निम्ता बाँडिएको उक्त कार्यक्रम सधैँझैँ क्यालिफोर्नियाको एप्पल पार्कमा आयोजना हुँदै छ । केही सीमित व्यक्तिले मात्रै प्रत्यक्ष भाग लिने सो कार्यक्रम लाखौंंले अनलाइनमा हेर्ने गर्छन् ।