बारा । बाराको गढीमाई मन्दिरमा दर्शन गर्न आउने भक्तजनहरूको गरगहना चोरी गर्ने तीन जना पक्राउ परेका छन् । पक्राउ पर्नेमा वीरगन्ज महानगरपालिका वडा नं. १६ बस्ने शम्भु राय यादव, वडा नं.२० बस्ने सन्दिप राय यादव र पकाहा मैनपुर गाउँपालिका वडा नं.५ बस्ने पवन यादव रहेका छन् ।
मन्दिरमा दर्शन गर्न आउने दर्शनार्थीहरुको सिक्रीलगायतको गरगहना उनीहरू चोर्दै आएका थिए । मेलामा जडान सिसीटिभी क्यामरामा हेर्दा तीनै जनालाई पहिचान गरी पक्राउ गरिएको महागढीमाई नगरपालिकाको नगरप्रमुख उपेन्द्र यादवले बताए ।
शनिबार दर्शनार्थीको पाइन्टको खल्तीबाट पैसा झिक्दै गरेको अवस्थामा पक्राउ गरिएको थियो । पक्राउ परेकाहरूमाथि थप अनुसन्धान गर्नको लागि जिल्ला प्रaहरी कार्यालय बाराको जिम्मा लगाइएको समेत नगरप्रमुख यादवले बताए ।
मङ्सिर १ गतेदेखि सुरु हुने मेलामा आउने दर्शनार्थीको सुरक्षाको लागि २० ठाउँमा सिसी टिभी क्यामरा जडान गरिएको र बाँकी १० वटा अझै थप्ने काम भइरहेको महागढीमाई नगरपालिकाले जनाएको छ ।
