काठमाडौं । अरनिको राजमार्ग अन्तर्गत पाँचखाल नगरपालिका ८ मा सुख्खा पहिरो खस्दा अरनिको राजमार्ग अवरुद्ध भएको छ । शनिवार राति करिब ९ बजेतिर आएको पहिरोका कारण अरनिको राजमार्ग अन्तर्गत ५० किलोमा सडक पूर्णरुपमा अवरुद्ध भएको हो । अवरुद्ध राजमार्ग एकतर्फी सुचारु गर्नका लागि पहिरो पन्छाउने काम भइरहेको प्रहरीले जनाएको छ । राजमार्ग अवरुद्ध हुँदा संयौ सवारी साधनहरुको लाम लागेको छ ।