काठमाडौं । दुबै मृगौला पीडित कीर्तिपुर नगरपालिकाका प्रमुख राजकुमार नकर्मीको निधन भएको छ । केहि महिनाअघि मात्रै मृगौला प्रत्यारोपण गराएका प्रमुख नकर्मीको एक साताअघि एक्कासी स्वास्थ्यमा समस्या देखिएपछि वीर अस्पतालको भेन्टीलेटरमा उपचार भइरहेको थियो । सघन कक्षमा उपचार गराइरहेका प्रमुख मेयर नकर्मीको निधनभएको नगरपालिका उपप्रमुख तथा प्रवक्ता शुभ लक्ष्मी शाक्यले जानकारी दिइन ।
अन्तिम श्रद्धाञ्जलीकालागि उनको पार्थिव शरीर बिहान ९ बजेबाट कीर्तिपुर स्थीत नगरपालिकाको कार्यालय प्राङ्गणमा राखिने भएको उपप्रमुख शाक्यको भनाई । नगरप्रमुख नकर्मीले लामो समयदेखि मृगौलाको उपचार गराइरहेका थिए । नेपाली काँग्रेस जिल्ला समितिको उपसभापति समेत रहेका प्रमुख नेपाली काँग्रेसबाट चूनाव जितेका थिए । उनि नकर्मी २०३६ सालदेखि कांग्रेसमा सक्रिय थिए । उनले नेपाली काँग्रेस जिल्ला सचिवको भूमिकामा समेत काम गरेका थिए ।
