काठमाडौं । आज सुनको मूल्यमा सामान्य गिरावट आएको छ । पछिल्लो चार कारोबार दिनदेखि सुनको मूल्यले निरन्तर नयाँ उचाइ बनाउँदै गरेको थियो । आज सुनको मूल्य प्रतितोला ३०० रुपैयाँले घटेको छ । नेपाल सुनचाँदी व्यवसायी महासंघका अनुसार आज छापावाला सुन प्रतितोला एक लाख ४९ हजार ५०० रुपैयाँमा कारोबार भइरहेको छ ।
त्यसैगरी, तेजावी सुन प्रतितोला एक लाख ४८ हजार ८०० रुपैयाँमा खरिद बिक्री भइरहेको छ । बुधबारको बजारमा छापावाला सुन प्रतितोला एक लाख ४९ हजार ८०० रुपैयाँ र तेजावी सुन प्रतितोला एक लाख ४९ हजार १०० रुपैयाँमा खरिदबिक्री भएको थियो ।
सुनको मूल्य गत शुक्रबारदेखि निरन्तर रुपमा नयाँ रेकर्ड बनाउदै बढेको थियो । महासंघका अनुसार यस दिन चाँदीको मूल्य तोलामा ३५ रुपैयाँले घटेको छ । आजको बजारमा चाँदी प्रतितोला एक हजार ८६० रुपैयाँमा किनबेच भइरहेको छ । बुधबार चाँदीको मूल्य एक हजार ८९५ रुपैयाँमा किनबेच भएको थियो ।
