काठमाडौं । बुटवलका रवि थापामाथि छुरा प्रहार गर्ने दुई जनाले आत्मसमर्पण गरेका छन् । गत जेठ २ गते बुटवल उपमहानगरपालिका—७ का ३६ वर्षीय रवि थापामाथि छुरा प्रहार भएको थियो। छुरा प्रहारबाट गम्भीर घाइते भएका उनको उपचारको क्रममा असार १८ गते मृत्यु भएको थियो । उक्त घटनामा संलग्न भई फरार रहेका दुई आरोपी बुटवलका किशोर कुँवर र कुस्मन कार्कीले आत्मसमर्पण गरेका हुन्। बुटवलको कालिकानगरस्थित एक रेष्टुरेन्टमा काम गरिरहेको बेला थापामाथि छुरा प्रहार भएको थियो। थापा राष्ट्रिय युवा संघ नेपाल रुपन्देहीका पूर्व सदस्य थिए।