काठमाडौं । नेपाल विद्युत प्राधिकरण कीर्तिपुर वितरण केन्द्र अन्तर्गतका विभिन्न क्षेत्रमा मर्मत गर्नुपर्ने भएकाले कीर्तिपुर र आसपासका क्षेत्रमा आज विद्युत अबरुद्ध हुने भएको छ । केन्द्रको रोपवे फिडर अन्तर्गत पर्ने ढुङेअड्डा, मैत्री नगर क्षेत्रमा केबल हेड र जम्पर मर्मत कार्यको लागि बिहान ११ बजेबाट दिउँसो ३ः३० बजेसम्म उक्त फिडर सटडाउनमा राखि कार्य गर्नु पर्ने भएकोले सो फिडर अन्तर्गत वितरित विभिन्न स्थानहरुमा विद्युत सेवा अवरुद्ध हुने भएको हो । कीर्तिपुर रिङ्गरोड, ट्याङ्लाफाट्, मैत्री नगर्, बाघभैरब क्षेत्र लगायतका क्षेत्रहरूमा विद्युत सेवा अवरुद्ध हुने प्राधिकरणले जनाएको छ ।