काठमाडौं । नेपालको लागि क्रसफायर बाइकको आधिकारिक वितरक क्लासिक ह्विल्स एक्सपोर्ट एन्ड इम्पोर्ट प्रालिले सोमबार देखि लागू हुने गरी नयाँ मूल्य सूची सार्वजनिक गरेको हो। कम्पनीले क्रसफायर आरएम २५०, क्रसफायर एचजे २५० र क्रसफायर ट्र्याकर २५० गरी ३ मोडलमा मूल्य घटाएको छ ।
यो भन्दाअघि ८ लाख ८८ हजार रूपैयाँ पर्ने क्रसफायर आरएम २५० को नयाँ मूल्य ४५ हजारले घटेर ८ लाख ४३ हजार तोकिएको छ। नयाँ मूल्य सूची अनुसार अब क्रसफायर एचजे २५० जम्मा ६ लाख ९९ हजार रूपैयाँमा खरिद गर्न सकिने । यसभन्दा अघि एचजे २५० को बजार मूल्य सात लाख ७० हजार रूपैयाँ थियो ।
यो बाइकमा एकैपटक ७१ हजारले मूल्य घटेको हो। त्यस्तै क्रसफायर ट्र्याकर २५० को मूल्य ४० हजार रूपैयाँ घटेको छ। यसअघि ४ लाख १० हजार रूपैयाँ पर्ने यो बाइकको नयाँ मूल्य तीन लाख ७० हजार रूपैयाँ तोकिएको छ।
