काठमाडौं । नारायणगढ—मुग्लिन सडकखण्ड अन्तर्गत भरतपुर महानगरपालिका—२९ सत्रकिलो भन्ने ठाउँमा माथिबाट खसेको ढुंगा लागेर बस चालकको मृत्यु भएको छ । बुटवलबाट काठमाडौं जाँदै गरेको लु२ख ६५६६ नम्बरको बस चालक नवलपरासी सुनवल नगरपालिका—४ बस्ने ३६ वर्षीय मेघनाथ विकको मृत्यु भएको प्रहरीले जनाएको छ । ढुंगा लागेर गम्भीर घाइते भएका चालक विकको उपचारको क्रममा चितवन मेडिकल कलेजमा मृत्यु भएको हो ।