काठमाडौं । हिमालयन जाभा कुलेश्वरले गमला स्टेनबाट सडक पेटीको ब्लक हटाएको छ । विजनेस दर्शन डटकमले समाचार प्रकाशित गरेपछि हिमालय जाभा कुलेश्वरले गल्ती सच्याएको हो । केहिदिन अघि हिमालयन जाभामा सडक पेटीमा राख्ने ब्लक जाभाको गमला स्टेन पाइएपछि हामीले समाचार प्रकाशित गरेका थियौं । नेपाली कफी र त्यसको स्वादलाई थप मिठास बनाइरहेका गगन प्रधान र उनको हिमालयन जाभाले सरकारी सम्पत्तिलाई प्रष्ट देखिनेगरि दुरुपयोग गरिरहेको भनि समाचार प्रकाशित भएपछि तत्काल हटाईएको हो । हिमालयन जाभा नेपाली कपीको स्वाद दिने संस्थाको रुपमा प्रख्यात  छ । काठमाडौं महानगरपालिकाले उपत्यकाभित्र कहि कतै सकैले पनि सरकारी सम्पत्तिको दुरुपयोग गरेको थाहा पाए तत्काल कारबाहीको प्रक्रिया अघि बढाउने बताएको छ ।