काठमाडौँ । ग्लोबल आईएमई बैंकको प्रमुख कार्यकारी अधिकृत (सीईओ) मा सुरेन्द्रराज रेग्मी नियुक्त भएका छन् । बिहीबार बसेको बैंकको सञ्चालक समिति बैठकले रेग्मीलाई सीईओमा नियुक्त गर्ने निर्णय गरेको हो । बैंकका वरिष्ठ नायब प्रमुख कार्यकारी अधिकृत रहेका रेग्मीलाई २०८१ को भदौ १ गतेदेखि लागू हुने गरी सीईओमा नियुक्त गरिएको हो । रेग्मीसँग तीन दशक लामो बैंकिङ क्षेत्रमा काम गरेको अनुभव छ ।