काठमाडौं । दशैको अवसर पारेर हरेक वर्ष राइजिङ युथ क्लबले आयोजना गर्दै आएको खुला फुटसल प्रतियोगिता यो बर्ष पनि हुने भएको छ । काठमाडौं वडा १७ स्थीत राइजिङ युथ क्लबको आयोजनामा आउँदो असोज २५ र २६ गतेका दिन दोस्रो राइजिङ कप फुटसल प्रतियोगिता हुने भएको हो । रिभरफिल्ड फुटसलमा हुने प्रतियोगिताको तयारी अन्तिम चरणमा पुगेको कल्वका महासचिव रुकेश थापाले जानकारी दिएका छन् । प्रतियोगिताका लागि टिम दर्ता खुला गरिएको छ ।

टिम दर्ता शुल्क ५ हजार तोकिएको छ । प्रतियोगिताको विजेताले उपाधि सहित नगद ६० हजार प्राप्त गर्ने छन् । भने उपविजेताले ३० हजार सहित ट्रफी, मेडल र प्रमाणपत्र प्राप्त गर्नेछ । त्यस्तै व्यक्तिगत विधातर्फ उत्कृष्ट हुने खेलाडीहरुलाई पनि पुरस्कारको व्यवस्था गरिएको महासचिव थापाले बताए ।

युवालाई खेल क्षेत्रमा प्रेरित गर्ने र स्थानीय तहमा फुटवलको महत्व बढाउन फुटसल प्रतियोगिताको आयोजना गरेको महासचिव थापाको भनाई छ । दुईदिन चल्ने खेललाई विभिन्न सामाजिक सञ्चालबाट प्रत्यक्ष प्रशारण गर्ने आयोजकको तयारी छ ।