काठमाडौं, आर्थिक वर्ष २०७८,७९ मा सरकारले पौने १९ अर्ब रुपैयाँ कर छुट तथा कर फिर्ता गरेएको छ । मुलुकमा व्यावसायिक वातावरण तयार गर्ने आवश्यकता अनुरुप व्यावसायिक छुट तथा सुविधा उपलब्ध गराउने राज्यको नीतिअन्तर्गत आर्थिक वर्ष २०७८,७९ मा उल्लिखित रकम कर छुट तथा फिर्ता गरिएको आन्तरिक राजस्व विभागले बताएको छ ।
एक वर्षमा व्यवसायीलाई १९ अर्ब कर छुटविभागले हालै सार्वजनिक गरेको कर छुट तथा सुविधासम्बन्धी विवरणमा आयकर छुटतर्फ १० अर्ब ७२ करोड ८२ लाख र मूल्य अभिवृद्धि कर भ्याट, तर्फ ८ अर्ब ७ करोड ५७ लाख रुपैयाँ गरी कुल १८ अर्ब ८० करोड ३९ लाख रुपैयाँ कर छुट भएको थियो । हरेक वर्ष सरकारले बजेटमार्फत कर छुट र फिर्ता दिए पनि त्यो प्रभावकारी बन्न नसकेको, शक्ति र पहुँचका आधारमा वितरण भइरहेको लगायत आरोप लागिरहेका बेला विभागले यस्तो तथ्यांक सार्वजनिक गर्न थालेको हो।
विभागले यस्तो तथ्यांक सार्वजनिक गरेको यो पहिलो पटक हो । लगानीमैत्री, सन्तुलित एवं दिगो आर्थिक विकास र आन्तरिक उद्योगलाई संरक्षण गर्ने कर नीतिको उद्देश्यअनुरूप व्यावसायिक वातावरण तयार गर्न उक्त छुट दिइएको विभागको प्रतिवेदनमा उल्लेख छ । सोही प्रतिवेदन अनुसार आयकर र मूल्य अभिवृद्धि करबापत आर्थिक वर्ष २०७८,७९ मा करिब पौने १९ अर्ब रुपैयाँ कर छुट तथा फिर्ता दिइएको देखिएको विभागले बताएको छ।
