काठमाडौं । साताको पहिलो कारोबार दिन आइतबार सुनको मूल्य स्थीर रहेको छ । नेपाल सुनचाँदी व्यवसायी महासंघका अनुसार शुक्रबारकै मूल्यमा आज कारोबार भइरहेको छ । महासंघका अनुसार आज नेपाली बजारमा सुनको मूल्य प्रतितोला एक लाख ४६ हजार सात सय रुपैयाँ छ, भने तेजाबी सुनको मूल्य एक लाख ४६ हजार रुपैयाँ छ । बिहीबारको तुलनामा शुक्रबार प्रतितोला एक हजार आठ सय रुपैयाँको दरले सुनको मूल्य बढेको थियो । महासंघका अनुसार शुक्रबारको तुलनामा प्रतितोला २५ रुपैयाँले घट्दै चाँदी प्रतितोला एक हजार आठ सय ७५ कायम भएको छ । अन्तराष्ट्रिय बजारमा भइरहेको मूल्य बृद्धिलाई पछ्याउँदै स्थानीय बजारमा केही समयदेखि नै सुनचाँदीको मूल्य बढिरहेको छ ।