काठमाडौं । तनहुँको आँबुखैरेनी गाउँपालिका स्थित ऐना पहिरोमा भारती तिर्थयात्रु चढेको बस दुर्घटनामा हुँदा मृत्युहुनेको संख्या २७ पुगेको छ । प्रहरीका अनुसार बसमा सवार ४३ मध्ये २७ जनाको मृत्यु भएको हो । अन्य १६ जना घाइते भएका छन् । घाइतेहरुलाई उपचारकालागि हेलिकप्टरमार्फत काठमाडौं ल्याइएको छ । उनीहरूको महाराजगञ्जस्थित त्रिवि शिक्षण अस्पतालमा उपचार भइरहेको छ । दुई दिनअघि भारतको गोरखपुर हुँदै पोखरा पुगेका भारतीय पर्यटकहरू शुक्रबार बिहान काठमाडौंका लागि पोखराबाट हिडेका थिए । उनीहरू सवार यूपी ५३ एफटी ७६२३ नम्बरको बस शुक्रबार बिहान साढे ११ बजे मर्स्याङ्दी नदी किनारमा खसेको थियो ।