काठमाडौं, असोज २। दैनिक हुल बाँधेर आउने जंगली हात्तीले धानबाली नष्ट गर्न थालेपछि वैकल्पिक खेतीका रूपमा कागती खेती सञ्चालन गरेका छन् । मेचीनगर नगरपालिका–४ बाहुनडाँगीका अधिकांश किसानले विकल्पमा कागती खेती सञ्चानल गरेका हुन् । कम लगानी गर्दा पनि बढी आम्दानी हुने र हात्तीले नष्ट नगर्ने हुँदा कागती खेतीतर्फ किसान आकर्षित भएका हुन् ।
बाहुनडाँगीमा पाँच कठ्ठादेखि तीन बिघा क्षेत्रफलमा धानको साटो व्यावसायिक कागती खेती भइरहेको वडाध्यक्षले बताए । उनका अनुसार वडा ४ मा मात्र व्यावसायिक रूपमा कागती खेती गर्ने किसान २५ भन्दा बढी छन् । उनले विगत चार वर्षअघि किसानलाई निःशुल्क रूपमा कागतीको बिरुवा नै वितरण गरिरहेको बताए ।
आठ वर्षअघि विश्व बैंकको लगानीमा हात्ती रोक्ने विद्युतीय घेराबारा १२ किलोमिटर गर्ने र १२ किलोमिटर कागती रोपेर जैविक फेन्सिङ गर्ने भन्ने योजना थियो वडा ४ मगरडाँडाका स्थानीयले कागती बेचेर वार्षिक २५ लाख रुपैयाँ आम्दानी गरेको बताएका छन् । धानखेतीबाट भन्दा कागती खेतीबाट प्रतिबिघा पाँच लाख बढी नाफा भएको स्थानीय बताए ।
