काठमाडौं । दुबै मृगौला पीडित कीर्तिपुर नगरपालिकाका प्रमुख राजकुमार नकर्मीको निधनमा कीर्तिपुर नगरपालिकाले आज शोकविदा दिएको छ । केहि महिनाअघि मात्रै मृगौला प्रत्यारोपण गराएका प्रमुख नकर्मीको एक साताअघि एक्कासी स्वास्थ्यमा समस्या देखिएपछि वीर अस्पतालको भेन्टीलेटरमा उपचार भइरहेको थियो । उनको सघन कक्षमा उपचार भइरहदा गएराती निधन भएको थियो । प्रशासकीय प्रमुख माधवप्रसाद ढकालले एक विज्ञप्ती जारी गर्दै आज एक दिन नगरमा शोक विदा दिइएको उल्लेख गरेका छन् । प्रमुख नकर्मीको पार्थिव शरीरलाई अन्तिम श्रद्धाञ्जलीकालागि बिहान ९ बजेबाट कीर्तिपुर स्थीत नगरपालिकाको कार्यालय प्राङगनमा राखिने छ ।