काठमाडौं । कांग्रेस संसदीय दलका नेता बहादुरसिंह लामा (तामाङ) वाग्मती प्रदेशको मुख्यमन्त्रीमा नियुक्त भएका छन् । एमालेको समर्थनमा मुख्यमन्त्री बनेका उनलाई प्रदेश प्रमुख यादवचन्द्र शर्माले प्रदेशको पाँचौं मुख्यमन्त्रीका रुपमा नियुक्त गरेका हुन् । उनी कांग्रेसबाट वाग्मतीको पहिलो मुख्यमन्त्री बनेका छन् । कांग्रेस प्रदेश सभापति इन्द्रबहादुर बानियाँलाई संसदीय दलको निर्वाचनमा पराजित गरेका थिए ।