काठमाडौं । राजस्व अनुसन्धान विभागले ३ किलो सुन तस्करीको घटनामा १९ करोड बिगो र त्यसको शत प्रतिशत जरिवाना सहितको मागदाबी सहित पाँच जना विरुद्ध मुद्दा दायर गरेको छ। सुनको अवैध ओसारपसार गरी राजस्व चुहावट गरेको कसूरमा विभागले अनुसन्धान गरी पाँच प्रतिवादीहरु उपर बिगो, जरिवाना र क्रैद सजायको माग गर्दै मुद्दा दायर गरेको हो ।
ना ६ ख ३५९७ नम्बरको मालबाहक गाडीमा फल्स बटन बनाई चीनको केरुङ नाकाबाट ३ केजी सुन अवैध रुपमा काठमाडौंतर्फ लैजाँदै गर्दा सुन लुटिएको घटनासँग यो मुद्दा जोडिएको छ । त्यसरी सुन ल्याउँदै गर्दा सुन लुटिएपछि तस्करको समूहले ट्रक चालकलाई अपहरण गरेका थिए ।
चालक छुटेपछि उनले सो घटनाबारे प्रहरीलाई जानकारी गराएका थिए । प्रहरीले रामकृष्ण वाइवा, बुद्धिबहादुर तमाङ्ग, सुनिल तामाङ्ग, निमा डिण्डुप तामाङ्ग र कमल घलेलाई पक्राउ गरी राजस्व अनुसन्धान विभागलाई बुझएको थियो । सोही घटनाको अनुसन्धान नगरी प्रतिवादीहरूमाथि जनही ३ करोड असी लाख ९१ हजार रुपैयाँका दरले बिगो कायम गरी विभागले उच्च अदालत पाटनमा मुद्दा दायर गरेको हो ।
