काठमाडौं । खनेकपा माओवादी केन्द्रका अध्यक्ष पुष्पकमल दाहालसँग शिक्षक महासंघका प्रतिनिधिले विद्यालय शिक्षा विधेयक पारित गराउन माओवादीको विशेष भूमिका खेल्न आग्रह गरेका छन् । प्रचण्ड भेट्न खुमलटार पुगेका प्रतिनिधिहरुले आफूहरु ‘गर या मर’को अवस्थामा रहेको गुनासो गरे ।
आन्दोलनरत शिक्षक महासंघका प्रतिनिधिहरूले दाहाल नेतृत्वको सरकारले नै विद्यालय शिक्षा विधेयक संसदमा दर्ता गराएको स्मरण गराउँदै पारित गराउन पनि विशेष भूमिका खेल्न आग्रह गरेका थिए ।
अध्यक्ष दाहालले आन्दोलनरत शिक्षकहरूका मागलाई सरकारले गम्भीर रूपमा लिनुपर्ने बताए । विद्यालय शिक्षा विधेयक तत्काल पारित गर्न सरकारसँग माग गरेका थिए ।
शिक्षकका माग र समग्र शैक्षिक क्षेत्रबारे एउटै दृष्टिकोण बन्न नसकेको बताउँदै अध्यक्ष दाहालले देशको विकास र समृद्धिको मुख्य आधार शिक्षा नै भएको बताए ।
