काठमाडौँ । सोमबारदेखि निर्माण ठप्प रहेको नागढुंगा–सिस्नेखोला सुरुङमार्गको काम पुनः सुरु हुने भएको छ । आयोजना र अवरोध गर्ने स्थानीयबीच मंगलबार सडक विभागमा भएको वार्तापछि निर्माणको काम अघि बढाउने सहमति भएको हो । धादिङको सिस्नेखोलातर्फ निर्माणाधीन रोड साइड सर्भिस स्टेसन नजिकै रहेका केही घर चर्किएको भन्दै स्थानीयले क्षतिपूर्तिको माग राखेर काम रोकेका थिए । नागढुंगा–सुरुङमार्ग निर्माण आयोजनाका इन्जिनियर सन्जय पन्थीका अनुसार रोड साइड सर्भिस स्टेसन छेत्रमा रहेका सरचनाहरुको संरक्षण गर्ने गरी सहमति भएको छ ।