काठमाडौं । कक्षा १२ को नतिजा साउन मसान्तभित्र सार्वजनिक हुने राष्ट्रिय परीक्षा बोर्डले जनाएको छ । डाटा इन्ट्री र भेरिफिकेसन सम्बन्धी काम भइरहेको र नतिजा साउन महिना भित्रै सार्वजनिक गर्ने तयारी भएको परीक्षा नियन्त्रक कृष्ण शर्माले बताउनुभयो ।

गत वैशाख अन्तिम साता देखि संचालन भएको परीक्षामा ४ लाख ६८ हजार परीक्षार्थी सम्मिलित भएका थिए । सबै विषयको नतिजा एकैसाथ सार्वजनिक गरिने शर्माले बताउनुभयो ।

विगतमा परीक्षा सञ्चालन भएको छ महिनामा नतिजा सार्वजनिक हुन्थ्यो र हरेक विषयको छुट्टाछुट्टै नतिजा सार्वजनिक गर्ने गरिएको थियो ।