काठमाडौं । प्रतिनिधि सभामा बोल्दै गर्दा अर्थमन्त्री महतले सरकारले हुनेखाने वर्गलाई हेरेर केही वस्तु तथा सेवामा कर वृद्धि गरेको बताएका छन् । प्रतिनिधि सभामा छलफलको लागि पेस भएको आर्थिक विधेयक, २०८० मा सांसदहरुले उठाएका प्रश्नको जवाफ दिँदै अर्थमन्त्री महतले सरकारले गरिबको पक्षमा रहेर बजेटमा करको व्यवस्था गरेको दाबी गरेका हुन्।
सरकारले हवाई भाडामा लगाएको कर आवश्यकता देखेर लगाएको हो उनले भने मुलुकभित्रै एउटा हैसियत बनाएका मानिसको लागि सरकारले कर लगाएको मन्त्री महतले न्यून वर्गले प्रयोग गर्ने वस्तु तथा सेवामा सरकारले कर नबढाएको दाबी गरेका छन् ।
५० लाख भन्दा बढी आम्दानी गर्नेको लागि कर बढाइएको र यो व्यवस्थाले पनि गरिबलाई नछुने उनले बताएका छन् । १० लाख भन्दा बढी हिरामोति खरिद गर्ने र ५० लाख भन्दा बढी आम्दानी गर्नेको लागि कर बढाइएको छ, यसरी सरकारले अलि हुने खानेका लागि मात्रै लगाएको अर्थमन्त्री महतले बताएका छन् ।
