काठमाडौं । पुँजीबजारमा डिम्याट खाता खोल्नेको संख्या ५७ लाख भन्दा बढी भएको छ ।
सीडीएससीको तथ्यांकअनुसार आज बिहानसम्म डिम्याट खाता खोल्नेको संख्या ५७ लाख १ हजार ८४२ पुगेको हो ।
डिम्याट खाताहरुमा १० अर्ब ३४ करोड ३० लाख ६४ हजार ४०५ कित्ता सेयर रहेका छन् ।
पछिल्लो समय मेरो सेयर प्रयोगकर्ताको संख्या दिनप्रतिदिन बढिरहेको छ । मेरो सेयर प्रयोग गर्नेको संख्या अहिलेसम्म ४७ लाख ७६ हजार ८४२ पुगेको छ ।
यद्यपि १५–१७ लाख डिम्याट खाता निष्क्रिय अवस्थामा रहेको सीडीएससीले जनाएको छ ।
