काठमाडौं । पोखराबाट फर्किएका पूर्वराजा ज्ञानेन्द्र शाह को स्वागतमा त्रिभुवन विमानस्थलबाट बाहिर बसेका उनि सर्मथितका कारण आइतबार काठमाडौं उपत्यकाको जनजिवन प्रभावित भयो । उनको स्वागतमा एयरपोर्टदेखि, गौशाला, चाबहिल हुँदै महाराजगञ्ज खासगरी चक्रपथमा राजावादीको भिड लागेको थियो ।
त्रिभुवन विमानस्थलको गोल्डेन गेटबाट ज्ञानेन्द्र गाडीबाट आधा जीउ निकालेर समर्थकहरूमाझ हात हल्लाइरहेका थिए । राजावादीको प्रदर्शनका कारण त्रिभुवन विमानस्थल भएर आवातजावत गर्ने यात्रुलाई भने सास्ती भएको हो ।
त्रिभुवन विमानस्थल भएर जाने र फर्कने यात्रु तीनकुने र चावहिलबाट सवारी डाइभर्ट भएकाले समयमा उडान भेट्न गार्हो भएको दुखेसो पोखेका थिए ।
यात्रुलाई बिदाई गर्न गएका र लिन गएका आफन्तलाई समेत प्रहरीले सडक छेउको गेटैमा रोकेको थियो । राजावादीको भीड बढेपछि ट्राफिक प्रहरीले तीनकुने देखि गौशाला क्षेत्रमा यातायात डाइभर्सन गरेको थियो ।
