काठमाडौं । सरकारले रासायनिक मलका लागि २८ अर्ब ८२ करोड रुपैयाँ विनियोजन गरेको छ । आउँदो आर्थिक वर्षको बजेट प्रस्तुत गर्दै अर्थमन्त्री विष्णु पौडेलले रासायनिक मल खरिद गर्न रकम विनियोजन गरिएको जानकारी दिए । साथै चैतै धान खेती विस्तारका लागि ३३ करोड रुपैयाँ विनियोजन भएको छ । कृषि तथा पशुपक्षी विकास मन्त्रालयका लागि सरकारले कुल ५७ अर्ब ४८ करोड रुपैयाँ बजेट विनियोजन गरेको छ । कृषिमा आधुनिकीकरण र प्रविधिको कमी हुँदा उत्पादन लक्ष्य अनुसार हुन नसकेको अर्थमन्त्री पौडेलले बताए ।