कोशी प्रदेश सरकारले आगामी आर्थिक वर्षको बजेटमा लामखुट्टेको लार्भा मार्नका निम्ति ५ करोडको बजेट विनियोजन गरेको छ ।
मुख्यमन्त्री हिक्मतकुमार कार्कीले सार्वजनिक गरेको बजेटमा लामखुट्टेको लार्भा मार्न ५ करोड रुपैया विनियोजन गरिएको छ ।
आगामी आर्थिक वर्षका लागि प्रदेश सरकारले पहिलो पटक किटजन्य रोग रोकथाम तथा नियन्त्रणका लागि कार्यक्रम ल्याएको र जैविक विषादी प्रयोग गरेर लामखुट्टेको लार्भा नै मार्ने कार्यक्रमका लागि बजेट विनियोजन गरेको प्रदेशको स्वास्थ्य निर्देशनालयका निर्देशक ज्ञानबहादुर बस्नेतले बताए ।
