काठमाडौं आइएमई लाइफ इन्स्योरेन्सलाई आइपीओ निष्कासन गर्न नेपाल धितोपत्र बोर्डले अनुमति दिएको भएको छ। कम्पनीलाई बोर्डले मंगलबार प्रिमियम मूल्यमा आइपीओ निष्कासन गर्न अनुमति दिएको हो। कम्पनीलाई १ सय रुपैयाँ अंकित मूल्यमा थप १३६ रुपैयाँ ९१ पैसा प्रिमियम मूल्य सहित प्रतिकित्ता २३६ रुपैयाँ ९१ पैसामा आइपीओ निष्कासन गर्न बोर्डले अनुमति दिएको हो।

कम्पनीले प्रतिकित्ता २३६ रुपैयाँ ९१ पैसाका दरले २ अर्ब ७६ करोड ७ लाख ७४ हजार रुपैयाँ बराबरको १ करोड २० लाख कित्ता आइपीओ निष्कासन गर्ने भएको छ ।  यसमध्ये  ६ लाख कित्ता भने कम्पनीका कर्मचारीहरूलाई प्रतिकित्ता १०० रुपैयाँमै निष्कासन गर्ने भएको छ।  कम्पनीको सेयर निष्कासन तथा बिक्री प्रबन्धक सिभिल क्यापिटल मार्केटमा  रहेको छ।