एजेन्सी । बलिउड अभिनेता रणवीर सिंह र आलिया भट्ट अभिनीत फिल्म ‘रकी और रानीकी प्रेम कहानी’ गत शुक्रबारदेखि विभिन्न हलमा प्रदर्शन भइरहेको छ ।

फिल्म ‘रकी और रानीकी प्रेम कहानी’ ले दुई दिनमा २७ करोड १५ लाख भारू कमाएको भारतीय सञ्चार माध्यमहरुले बताएका छन् ।

११ करोड १० लाख भारूमा ओपनिङ गरेको फिल्मले दोस्रो दिन १६ करोड ५ लाख भारू कमाएको हो ।
करण जोहरले निर्देशन गरेको फिल्ममा रणवीर र आलियासँगै धर्मेन्द्र, जया बच्चन र शबाना आजमीको मुख्य भूमिका रहेको छ ।

हिरोयश जोहर, करण जोहर र अपूर्भा मेहताको लगानी रहेको फिल्मको कथा इशिता मौत्रा, शशांक खेतान र सुमित रायले मिलेर लेखेका हुन् ।

यो फिल्मलाई भारतीय समीक्षकहरूले उत्कृष्ट प्रतिक्रिया दिइरहेका छन् भने दर्शकहरुले पनि रुचाईरहेका छन् ।