काठमाडौं । गठबन्धन सरकार भूमिसम्बन्धी अध्यादेश संसदमा पेस गर्न पछि हटेको छ । नेकपा एमालेका प्रमुख सचेतक महेश बर्तौलाले भोलि भूमिसम्बन्धी अध्यादेश बाहेक अन्य पाँच अध्यादेश प्रतिनिधिसभामा स्वीकृत गराउने तयारी रहेको बताएका छन् ।
सत्तापक्षका केही दलको साथ नपाएपछि भूमि सम्बन्धी अध्यादेशमा सरकार पछि हटेको हो । जसपा नेपालका अध्यक्ष उपेन्द्र यादवसँगको छलफलपछि नै अन्य पाँच अध्यादेश अघि बढाउने निर्णय गरिएको बर्तौलाले बताए । भोलि प्रतिनिधिसभा बैठक बस्दै छ ।
आज कार्यव्यवस्था परामर्श समितिको बैठकमा यो विषय कार्यसूचीमा राख्ने तयारी गरेको भएपनि सरकार पछि हटेको छ । जसपा नेपालको आइतबारबाट जारी केन्द्रीय कमिटी बैठकमा पनि भूमि सम्बन्धी अध्यादेश कुनैपनि हालतमा नस्विकार्ने प्रस्ताव पेस गरिएको थियो । सत्तारुढ लोसपा पनि यस अध्यादेशमा सहमत नभएपछि सरकार पछि हटेन बाध्य भएको हो ।
