काठमाडौं । एनएमबी बैंकले दुई नयाँ आकर्षक अफरहरूल्याएको छ। अफर अन्तर्गत ग्राहकहरूले इ(एनएमबी) एप र वेब मार्फत नेपालको जुनसुकै बैंक खातामा निःशुल्क रकम ट्रान्सफर गर्न सक्नेछन्। चाहे परिवार र साथीहरूलाई पैसा पठाउने होस् वा व्यापारिक लेनदेन गर्ने होस् यो अफरमार्फत् ग्राहकहरूले सहज र प्रभावकारी रूपमा रकम ट्रान्सफर गर्न सक्ने बैंकको भनाइ छ।

सो अफर साउन मसान्तसम्म लागु हुने कम्पनीको भनाइ छ। साथै बैंकले असार अन्तिमसम्म आफ्नो ग्राहकहरूलाई निःशुल्क डेबिट कार्ड समेत जारी गर्ने भएको छ। बैंकको नयाँ वा विद्यमान ग्राहकहरूले कुनै पनि शुल्क बिना नै डेबिट कार्डहरू प्राप्त गर्न सक्नेछन्।  बैंकले हाल २०१ शाखा, १३८ एटिएम र १२ एक्सटेन्सन काउन्टरहरूमार्फत बैंकिङ सेवा प्रदान गदै आइरहेको छ।