काठमाडौं, श्रावण १० । नेपाली इन्टरनेट कम्पनी सिजी नेटले आरआरआर (रिफर, रिडिम र रिपिट) नामक अफर ल्याएको छ। जस अन्तर्गत सिजिनेटको इन्टरनेट सेवा अरुलाई रिफर गर्ने र रिफर भएका दुवैले एक महिना सित्तैमा इन्टरनेट चलाउन पाउने।

साथै यसै अफर अन्तर्गत हरेक रिफररले अफरको अन्त्यमा अन्य आकर्षक उपहार पनि पाउने। यस अफर अन्तर्गत रिफर गर्ने र रिफर हुने दुवैले अफर अवधिमा गरिएका प्रत्येक सफल रिफरलमा एक महिनाको निःशुल्क इन्टरनेट प्राप्त गर्ने मौका पाउने कम्पनीको भनाइ छ। यसका साथै ३ जनासम्म रिफर गर्नले उच्च गुणस्तरको एयर पड्स र ६ जनालाई रिफर गरेर इन्टरनेट जोडाउनेलाई स्मार्ट वाच प्रदान गरिनेछ।

सिजी नेटका उत्पादन प्रबन्धक करुणेश गुप्ताले भने हामी हाम्रा मूल्यवान ग्राहकहरूलाई आरआरआर अफर प्रस्ताव गर्न पाउँदा उत्साहित छौं र हाम्रा ग्राहकहरूलाई उहाँहरूको सहयोग र हाम्रो भरपर्दो इन्टरनेट सेवाहरूको बारेमा प्रचार गरेकोमा पुरस्कृत गर्नु पर्दछ भन्ने कुरामा विश्वास राख्छौं। 

यस अवधिभरमा सफल्तापूर्वक सबैभन्दा बढी रिफर गर्ने ३ जनामध्ये सबै भन्दा बढी रिफर गर्नेलाई मेघौली सेराई रिसोर्टको यात्रा प्याकेज प्रदान गरिनेछ भने दोस्रो–उच्चतम रिफररले अत्याधुनिक ४३ इन्चको स्मार्ट टिभी प्राप्त गर्नेछ र तेस्रो–उच्चतम रिफररलाई ३२ इन्चको स्मार्ट टिभी प्रदान गरिने कम्पनीले बताएको छ।

कम्पनीका अनुसार लिडरशिप बोर्डले अफरको प्रतिस्पर्धालाई सुनिश्चित गर्ने र ग्राहकहरूलाई सहभागी हुनलाई थप प्रोत्साहन गर्नेछ। ४५ दिनसम्म चल्ने यस अफरले ग्राहकहरूलाई आफ्ना साथी, परिवार र सहकर्मीहरूलाई सिजीनेट परिवारमा सामेल हुन निमन्त्रणा गर्न र यस अवसरको फाइदा उठाउनलाई हौसाउने कम्पनीको भनाइ छ।